Inicio
O verán está a piques de rematar e na escola de música de Candeán volvemos á carga! Un ano máis, seguiremos pasando bos ratos, seguiremos dándolle uso ás novas aulas pero o máis importante é que seguiremos facendo música como só nós sabemos.
Agardamos contar con todos os do ano pasado e por suposto, estaremos encantados de que novos alumnos cheguen a nosa escola: sempre hai sitio para todos!
O próximo mércores 13 de setembro ás 19:30 teremos a reunión de presentación da escola de música de Candeán:
- Coñece as nosas estupendas instalacións.
- Profesorado titulado e especializado en cada materia.
- O mes de setembro será de portas abertas para poder probar as clases.
Esperámoste!!!
Este domingo o Auditorio de Ribadumia acolle o encontro entre dúas Bandas de Música amigas, a Banda Municipal de Ribadumia e a Banda de Música de Candeán.
19:00 horas. Entrada libre.
Benqueridos músicos, alumnos e demáis integrantes da familia da Banda de Música de Candeán:
Achégase nosa data favorita do ano: a celebración de Santa Icía que este ano ven acompañada do noso XXI aniversario.
Como cada ano tratamos de presentarvos un concerto diferente e de seguro que o deste ano non será unha excepción. De momento déixovos o cartel para ir facendo boca e xa vos irei descubrindo algun segredo.
Baleirade as axendas e reservádenos a tarde do sábado 19 de novembro!
Vémonos alí!
Un ano máis estamos preparándonos para acoller a todos aqueles que teñades a paixón de aprender música.
A reunión de comezo terá lugar o próximo mércores 14 de setembro ás 20h, na escola de música da UVCD de Candéan.
Todos aqueles nenos dende os 3 aos 100 anos estades convidados a asistir e meterlle o gusanillo ao corpo, botándolle un ollo ás nosas novas instalacións!
Vémonos alí!!
Qué ides facer o sábado á noitiña?? Sexa o que sexa cancelade o plan! Tráiovos un concertazo!
A Banda de Candeán versionará cancións de bandas sonoras coa inestimable axuda do gaiteiro Álvaro Costas, impulsor do espectáculo MITIC.
A cita será este sábado 16 de xullo ás 21h nos xardís da UVCD de Candeán. Ademáis, faremos unha recollida de donativos para as persoas desfavorecidas da parroquia polo que contamos con toda a vosa colaboración por pequena que sexa.
Déixovos o cartel pero xa vedes que é un concerto que merece a pena non perdelo!
Vémonos alí!
O próximo domingo 8 de maio comeza o noso ciclo de concertos. Este ano a nosa Primavera Musical chega xa á súa oitava edición!
Os nosos fieis seguidores saben xa que é unha data que non pode faltar no calendario e na Banda de Candeán estamos moi orgullosos dela.
Agardamos vervos a todos alí!
O vindeiro domingo 8 de maio celebrarase en Xinzo a XXII edición do Festival de Bandas de Música. Este ano estará adicado a Daniel R. Castelao.
Estaremos encantados de que nos acompañedes neste festival!
Vémonos alí!
Planazo para esta fin de semana: o noso II Concerto de Solistas!!!
A cita terá lugar este domingo día 28 de febreiro no Salón de Actos da UVCD de Candeán as 19h.
Estaremos encantados de que nos acompañedes.
Vémonos alí!
O verán está a piques de rematar e na escola de música de Candeán volvemos á carga! Un ano máis, seguiremos pasando bos ratos, seguiremos dándolle uso ás novas aulas pero o máis importante é que seguiremos facendo música como só nos sabemos.
Agardamos contar con todos os do ano pasado e por suposto, estaremos encantados de que novos alumnos cheguen a nosa escola: sempre hai sitio para todos!
A mediados de mes convocaremos unha reunión para acordar temas de profesores, horarios e demais.
ATENCIÓN! Xa hai data para a reunión: será o mércores 16 de setembro ás 20h00, no local da banda. Vémonos!